ath-thrif

INSTA 800

Wed, 15 Jan 2020 10:04:00 GMT

Við erum ánægð að tilkynna að AÞ-Þrif hefur nú fengið Insta 800 vottun. En Insta 800 staðallinn er gæðamiðað kerfi við ræstingar. Með þessu kerfi eru gæði ræstingarinnar gerðar mælanlegar þannig að allir aðilar hafi sameiginlegan skilning á þeim gæðum sem beðið er um.

Heilsudagar 2019

Sun, 31 Mar 2019 19:23:00 GMT

Við ákáðum að endurtaka leikinn frá því árinu áður og tileinka febrúar heilsunni.

Margt skemmtilegt var á dagskránni og má þar t.d. nefna mjög skemmtilega og fróðlega fyrirlestra frá Geir Gunnari Markússyni og Helgu Arnardóttur.

Geir Gunnar næringarfræðingur hélt fyrirlestur um næringarfræði og þær mýtur sem þar er að finna. Helga Arnardóttir sálfræðingur hélt fyrirlestur um andlega heilsu.

Við vorum með ýmsar hreyfi-áskoranir fyrir þá sem vildu, buðum upp á mælingar, ferska ávexti á hverjum degi ásamt mörgu öðru skemmtilegu.

Starfsaldursviðurkenningar 2019

Mon, 11 Mar 2019 15:26:00 GMT

Starfsmenn sem hafa unnið í 3 ár ásamt eigendum: Inga Vitola, Oradee Dola, Jolanta Balcikonyte, Eva Rakel Helgadóttir, Konrad Juscinski, Þórey Hermannsdóttir, Agnieszka Juscinska og Najim Asbai. Á myndina vantar Önnu D. Daníelsdóttir.

Starfsmenn sem hafa unnið í 5 ár ásamt eigendum: Daria Agata Kolodziejczyk og Katarzyna Olichwier

Og að lokum hún Iwona Barbara Marszalek sem hefur verið hjá okkur í 10 ár

Vinnufundur

Sat, 22 Sep 2018 15:25:00 GMT

AÞ-Þrif hélt vinnufund með leynigesti, Reykjavík Escape og kvöldmat. Frábær dagur sem styrkte samheldni liðsins.

Áfram Ísland!!

Fri, 15 Jun 2018 10:15:00 GMT

Hér var glatt á hjalla í dag þegar Grillvagninn mætti og bauð öllum upp á dýrindis hamborgara og tilheyrandi. Allir starfsmenn komnir í gírinn og tilbúnir að hvetja strákana okkar áfram á sínu fyrsta heimsmeistaramóti, komasvooo..

Nýjustu verkefnin

Wed, 09 May 2018 13:54:00 GMT

Þann 1. maí síðastliðinn tók AÞ-Þrif við daglegri ræstingu í Smáralind og Egilshöll.

Spennandi tímar framundan hjá okkur og nóg að gera!

Mynd fengin að láni af heimasíðu Heimar – https://www.heimar.is/

Starfsaldursviðurkenningar

Wed, 21 Mar 2018 14:27:00 GMT

Á dögunum voru veittar viðurkenningar fyrir starfsaldur hjá fyrirtækinu. Veittar voru þrenns konar viðurkenningar til starfsmanna; 3 ár í starfi, 5 ár í starfi og 10 ár í starfi og lengur. Með þessu viljum við þakka starfsfólki okkar fyrir hollustu og tryggð við fyrirtækið síðustu ár. Alls fengu 35 starfsmenn verðlaun að þessu sinni, 13 fyrir 3 ár, 18 fyrir 5 ár og 4 fyrir 10 ár og lengur í starfi. Við óskum öllu þessu flotta starfsfólki til hamingju.

Starfsmenn sem hafa unnið í 3 ár: Emilia Kruszewska, Ewa Bujnowska, Malgorzata Ewa Waszcak, Malgorzata S. Kasperkiewicz, Martyna Dziubinska, Katarzyna Olichwier, Daria Kotodziejczyk, Paulina Wieczorek, Marzena Jarzebowicz og Sergej Kost. Á myndina vantar Ewa Agnieszka Jaszczuk, Paulina A. Kubryn og Magdalena Zimny.

Starfsmenn sem hafa unnið í 5 ár: Erla Benjamínsdóttir, David Gavin Anthony Prince, Flora Dolauta Luengas, Agnieszka Swiderska, Ewa Warmus, Erika Barauskaite, Beata Awruk, Anna Ryta S Orell, Iwona B. Marszalek, Henryk S. Ponichtera, Benjie B. Baldelovar, Ester Eggertsdóttir, Sævar Þór Sveinsson, Marý Ólafsdóttir og Kristrún Ýr Gylfadóttir. Á myndina vantar Kamil Knyzewski, Diana Knyzewska og Nuwan Nilupa Wallawathage.

Starfsmenn sem hafa unnið í 10 ár og lengur: Ewa Paciejewska, Darius Janusonis, Iwona Kijek og Ewelina Niedzwiecka.

Allur hópurinn samankominn

Heilsuvika AÞ-Þrif

Wed, 14 Feb 2018 15:00:00 GMT

Heilsuvika AÞ-Þrif var haldin í fyrsta skipti nú í ár og vakti mikla lukku. Evert Víglundsson, crossfit- og Biggest Looser þjálfari byrjaði vikuna með skemmtilegum og fróðlegum fyrirlestri sem vakti marga til umhugsunar. Hann setti fyrir áskorun vikunnar sem ötullega var unnið að sem myndaði skemmtilega stemningu. Skemmst er frá því að segja að hér á skrifstofunni voru kláraðar hátt í 3000 hné- og armbeygjur sem verður að teljast frábær árangur. Boðið var upp á heilsufarsmælingar og ráðgjöf frá Vinnuvernd sem flestir nýttu sér, enda mikilvægt að vera meðvitaður um eigin heilsu.

Í lok vikunnar voru okkar fyrstu Skrifstofuleikar haldnir þar sem skipt var í lið og keppt í hinum ýmsu þrautum. Leikarnir heppnuðust einstaklega vel og skemmtu allir sér konunglega. Um kvöldið var þeim sem vildu boðið á Þorrablót Stjörnunnar þar sem var borðað og dansað fram eftir kvöldi.

Við þökkum starfsfólkinu okkar fyrir góða þátttöku og vonum að Heilsuvikan sé komin til að vera.

AÞ Þrif – Framúrskarandi fyrirtæki 2017

Wed, 24 Jan 2018 14:58:00 GMT

Í dag tókum við á móti viðurkenningu fyrir að vera eitt af Framúrskarandi Fyrirtækjum 2017, en aðeins 2,2% íslenskra fyrirtækja standast þau skilyrði sem sett eru. Við erum ákaflega stolt og ánægð með að hafa náð þessum áfanga, enda eitt af okkar markmiðum síðasta árs.

Gleðilegt ár

Mon, 01 Jan 2018 14:56:00 GMT

Við viljum óska viðskiptavinum okkar sem og öðrum gleðilegs nýs árs með þökkum fyrir það liðna.

Við kveðjum skemmtilegt og viðburðaríkt ár þar sem verkefnin voru mörg að vanda, stór sem smá. Við héldum áfram að stækka við okkur í Skeiðarásnum og er húsnæðið nú orðið samtals 870m2. Í byrjun árs var ráðist í að stækka skrifstofuna enn frekar og kláruðust þær framkvæmdir í lok janúar. Þar bættust við fjórar skrifstofur auk fundarherbergis. Skrifstofan er því orðin töluvert stærri en áður enda hefur starfsmönnum þar fjölgað jafnt og þétt, en í dag hafa þar 14 manns starfsstöð. Í nóvember bættust 300m2 við lagerinn sem er allur að komast í stand en þar inni er komin upp aukin aðstaða fyrir mygluþrif og hreinsun sjúkratækja. Til gamans má geta þess að ekki eru nema rétt tvö ár síðan húsnæðið taldi um 200m2 sem er ótrúlegt að hugsa til.

Í mars festum við kaup á öðru ræstingafélagi sem hefur verið markmið okkar lengi. Með félaginu fylgdu um 55 starfsmenn og margir nýir viðskiptavinir. Þetta ferli hefur verið afar lærdómsríkt og höfum við öðlast góða reynslu sem við munum búa að við frekari kaup í framtíðinni.

Viðskiptin hafa blómstrað á árinu á öllum sviðum, þá helst í sérverkefnum eins og gluggaþvotti, iðnaðarþrifum, mygluhreinsun og gólfþrifum. Fjöldi starfsmanna náði hámarki í sumar þegar um 220 manns voru á skrá hjá okkur. Í haust kvöddum við Flugstöðina í kjölfar útboðs, sem hefur verið okkar stærsta verkefni í ræstingu síðustu þrjú árin. Flugstöðin var umfangsmikið og krefjandi verkefni sem við erum þakklát fyrir að hafa fengið að takast á við. Við erum reynslunni ríkari og fengum gott innlegg í reynslubankann.

Að vanda var mikið um viðburði á vegum starfsmannafélagsins, en þar má m.a. nefna hið árlega Páskabingó, Diskókeilu, Halloween partý, Fjölskyldubíó, Jólahlaðborð og svo síðast en ekki síst árshátíð sem var að þessu sinni haldin í Bratislava í Slóvakíu. Sú ferð heppnaðist einstaklega vel en þetta er í fyrsta skipti sem AÞ-Þrif heldur árshátíð erlendis.

Við vonum að árið 2018 verði öllum gott og gæfuríkt,

Gleðilegt ár